ذهبت للحج

السلام عليكم ورحمة الله وبركاته
اتمنى تعبير هذه الرؤيا لاني بين فتره واخرى ارجع لها وقد رئيتها في بداية عام 2012

الرؤيا ....
كأني ذهبت للحج مع زوجي واخته وجالسين على فرشه لونها اخضر فخمه على  شاطي بحر طبعا بالليل وجنبنا ناس جالسه تحفر الارض عمل مشروع حفريات وامامنا جبل اسود كبير عالي جدا  وعريض  ومخيف من شكله وكان جنبنا ايضا ثلاث حريم  متحجبات بشكل كامل  بقفازات وكل شي ومعهم اولاد كثيرين وجالسين  على الارض والارض حاره وقام زوجي وقال بطلع الجبل هذا  وراح  وطلع الجبل مع ان طلوعه صعب وعند وصول زوجي للقمه قام الناس يلحقونه وخاصه اولاد الثلاث  حريم واعمارهم في 18 و20 و10  وقام زوجي يشر لنا بيده ثم سجد لله ووقت صعوده للجبل كان لابس ملابس رياضيه  وكان القمه على شكل مسطحه وناعمه بعدين قامن الحريم الثلاثه وأتو عندي وجلسوا على الفرشه  حقتي ولفو بتيازير علينا (تيازير حقت الخيمه )   والي جالسين حولنا كلهم عوائل و الرجال كلهم يصعدون الجبل  وشفت جنبي بجلسه  بنت خالي ولابسه ابيض في  ابيض ومعها  بنت صغيره عمرها يمكن شهرين  وقلت لها  وشو جابك قالت جايه احج قلت طيب  حرام جايبه البنت الصغيره معك  قالت لي وين احطها طيب وطلع علينا الفجر ونزل زوجي من فوق الجبل بس كان لابس ثوب وقال لي هيا بنروح البيت  واستحيت اخ الفرشه حقتي عليها الحريم الثلاثه نايمين وقالت بنت خالتي خذي البنت الصغيره معاك البيت وترددت اخذها واخذتها ..... انتهت الرؤيا وصحيت على  اذان العصر  الاعتقاد الاكبر
 
 
جعلها الله رؤيا خير ان شاء الله
 
 
والسلام عليكم ورحمة الله وبركاته